Girls are not for Games

Girls are not suppose to be used for bets.

 

Wala lang mo kahibalo kung unsa kasakit ang gugma. Pero ug gihigugma jud nimo ang imong uyab, dapat jud ka mag-antos; antoson tanan, bahala'g ingnan naka'g OA ra kaayo ka. Antosi lang jud tanan kay naa'y adlaw nga ma-okey najud mo.

Wa lang ka kahibalo kung unsa kasakit ang akong gibati karon. Bahala na'g OA ra kaayo ko basta mao nana, mao jud na ako gibati karon. Tao sad intawn ko oy, naa ko'y kasingkasing, masakitan sad ko panagsa oy. Wa sad gane'y adlaw nga di ko masakitan. Pero di na pasabot na tanan kasakit sa ako dughan tungod nimo.

Tinuod, magselos, masuya, og magduda ko nimo sa uban pang babayi. Kay ngano man? Ikaw raman gud ang naa sa akuang kasingkasing, gilikayan nako tanan laki nga ni-agi sa akoang atubangan para lang nimo. Gilikayan naman sad gane nako ang mga amigo nako para lang nimo. Di unta ko ganahan magpalayo nila pero gi-sakripisyo jud nako tanan para nimo; bahala'g wa ko nimo ingni na magpalayo nila. Ngano gipangbuhat mana nako? Kay ug imo kong masakpan kuyog og lain lalaki, imo man ko dayun buwagan-- di ko nimo sturyaan. Mao mana imo gi-ingon nako. Di ba? Mao na, delikado kaayo nga magkuyog-kuyog ko'g lain lake kay basin buwagan ko nimo nga wa ko kahibalo unsai hinungdan.

Timan-e lang, dako kaayo ako pagsalig dira nimo nya nag-ampo intawn ko nga wala nimo gi-abuso ako pagsalig dira nimo. Kay ug mao gane nang butanga, gamiton lang ako pagsalig og dako, ambot brad oi, sakit jud kaayo sa kasingkasing-- magisi ako kasingkasing, maghilak, mamatay, ug uban pa.

Kahunahuna ba ka nga naa ba ko'y kasingkasing o wala? Intawn dong, naa ko'y kasingkasing oy! Bahala'g ukabon pani nimo ako lawas, gub-on ako ribs para makakita sa ako kasingkasing, basta naa jud ko'y kasingkasing brad.

Kahibalo ba ka kung unsa ko kalipay nga magkuyog tang duha? ug kabantay ba ka sa mga adlaw nga manglaag ta nya saputon ko? Saputon ko panagsa brad, tungod nasad sa kasuya kay ug magkuyog ta-- buy-an nimo akong kamot basta naa'y mga chix, kanang sexy og gwapa, kana gud mga babae nga PERFECT sa gawas? Sus, samtang ako batig nawng, tambok pajud. Sus, wa kai ma-ani nako. Utok og pangkasingkasing rani ako brad. Ingnan lang tika, lipay gihapon ko kay sigurado ko na ang mga babae na malabyan nato-- naa'y utok, wai kasingkasing or pwede rasad ang duha, wai utok og wai kasingkasing. Kagwapa rai gihuna-huna. Samtang ako? Sus, bright og disiplinado kaayo. Kahibalo ko mu-manage-- kahibalo ko kanus-a mag bata-bata, mag-mature, musaba, muhilom, og uban pa.

Lipay sad intawn ko ma batig nawng og tambok oi, at least lang ba ang positive nga naa sa akuang hunahuna kay "Dili ko magamit oi. Di ko panguyaban para ipanghambog sa mga amigo og para gamiton panglingaw-lingaw og pusta. Basta ako? Sus, tinud-aray na panghigugma lang ako brad."